السلام عليكم و رحمة الله و بركاته
موقع بسمة لكل ما يهم المرأة المغربية يقدم الفقاص بطريقة شنيك بالكوفتير و اللوز
مقادير و طريقة تحضير الفقاص بطريقة شنيك بالكوفتير و اللوز
من الاخت ام دعاء جزاها الله عنا كل خير
مقادير الفقاص بطريقة شنيك
حاجتنا 4 بيضات كاس سنيدة كاس الزيت ساشي فاني معلقة صغيرة الزبدة خمارة التزيين غادين نحتاجو كونفتير مشماش جاري و اللوز محمر و مهرمش او كاوكاو الدقيق حسب الخليط
طريقة تحضير الفقاص على شكل شنيك
نخدمو البيض مع سنيدة و الزيت + فاني الزبدة و خمارة ونبقاو نضيفو الدقيق شوية بشوية حتى يتجمع العجين
نقسم العجين ل 2 كراة
ناخدو الكرة الاولى نطلقوها بين 2 بلاستيكات ندهنوها بلكونفتير نرشوها من فوق باللوز مهرمش
نلوي العجين نفس الطريقة للكرة الثانية
نوضعوهم فطاوة مدهونة بالزبدة مرشوشة بالدقيق ندهنوهم باصفر البيض مخلط مع شوية نيسكافي و كاوبيل نشرطها من فوق بلفورشيط ندخلوهم لفرن يكون سخون من قبل نقصو عليهم لعافية
هذا شكلهم مين طابو نغطيو عليهم نخليوهم يباتو ليلة كاملة
من بعد نقطعوهم نوضعوهم فطاوة نحمروهم على 2 جهات
هذا شكلو مين طاب
و بالصحة و الراحة
