نصائح هامة للعناية بجميع انواع الشعر

السلام عليكم و رحمة الله تعالى و بركاته

موقع بسمة لكل ما يهم المراة المغربية يقدم لكم نصائح هامة جدا للعناية بجميع انواع الشعر

و هي نصائح قدمتها الاخت الشرقاوي

جاز الله كل الاخوات التي لا يبخلنا علينا بالنصائح للعناية بانفسنا

كنعرفو أن شعر المرأة هو نصف جمالها اوا ها كيفاش نعتنيو بيه و نرجعوه يهبل فشهر

أول حاجة غنتافقو عليها هي الشعر يتغسل جوج مرات فالسيمانة

علاش جوج مرات فسيمانة باش هاكا نقدرو نعالجو جميع مشاكل الشعر

لمشكل لكبير لي كيعانيو منو بزاف النساء هو ان شعرهم كيبقى يطيح لدرجة انه ولا خفيف علاش وحنا الحل عندنا غير فدار هاد المشكل نعالجوه فجوج خطوات ساهلين

اول حاجه ناخدو الثومة هاديك الحمرة ايوا شديها نقيها و حكيها فقرعة والفلفلة الخضرا الحلوة

ايوا غسليها و مسحيها و قطعيها طريفات صغار و زيديها على ديك الثومة لي حكيتي و جيبي زيت الخرواع راه موجود 

الا ما وجدش زيت الخرواع استعملي غير زيت الزيتون سخنيه تحيد منو الملحة و خويه عليهم وخزني الخليط من الضوء 

هاد الزيت لي صايبنا غنبقاو نشقو بيه شعرنا مرة فسيمانة كيقوي الشعر بشكل رهيييب

ولكن عمر الزيت يفوت فراسكم 3 سوايع الشيء ادا زاد عن حده انقلب ضده مبغيناش نخنقو الشعرة

الخطوة التانيه هي نوقفوه من التساقط ناخدو البصلة الحمرة  

خفتي من الريحة؟ قسمي القرعة على جوج نص ديري فيه لما ديال البصلة غسلي بيه هو الاول

عاد عاودي بلي مافيهش البصلة هاد شمبوان نغسلو بيه ديما و باي باي التساقط و الشعر الخفيف

مشكل اخر هو الشعر الناشف و القشرة خودو الزبدة ديروها فجبانية القياس لي يقد شعركم و زيدو عليها بيضة و ايلا عندك شي زيت كيما كان تقدي ديريه معندكش بلاش و زيدي معاهوم 2 معالق ديال لما ورد منها تحيدي زفورة ديال البيض منها تحيدي القشره

  خلطي داكشي وديرييه بحال ترطيبه من الجدر تال الاطراف شوية بشوية و بقاي بيه 3 سوايع راه كافية

ولي شعرهم اصلا دهني حكو غيرما ورد على الجلدة

و كاين شمبوان خطيير ضد القشرة ليترو ب 260 ريال لا غلا على مسكين غسلي نتي و جيران هو الشمبوان ديال القطران تلقايه عند مول لمكياج هو لي خلطوه بلما ديال لبصلة كيف قلت قبل

ها حنا كملنا جوج غسلات فسيمانة ولكن باش ندهنوه؟ غدهنيه بزيت لأزيير راه كيطول الشعر بسررررعة خطير و معروف

ملي تبغيو ديرووه رجعو شعركوم لقدام و دلكو جلدة ديال راسكوم ومشطوه تحركو الدورة الدموية و دوري ليه باتشا

و تقدري تشري درهم ازيير من عند العطار طيبيها فلما و صفيه و شلي بداك لما شعرك مني تغسليه