تحضير كلاص ساهل

تحضير كلاص ساهل و لذيذ بمكونات جد اقتصادية و غير مكلفة برعي وليداتك بتحضير كلاص منزلي غير مكلف و سهل التحضير باذن الله مغاتبقايش تشري للكلاص لوليداتك غادي تبقاي تحضير ليهم فالبيت بهاد الطريقة البسيطة

مقادير تحضير كلاص ساهل بالحامض

نصف لتر د الحليب
واحد فلان فاني
3 معالق كبارين سكر (او حسب الذوق)
قشرة ليمونة محكوكة
عصير نصف ليمونة

طريقة تحضير كلاص ساهل 

نخلط الفلان مع السكر ونضيفهم للحليب

ونعملوه فوق النار حتى يغلي

نطفيو عليه ونخليوه حتى يبرد

عاد نزيدولو عصير الليمون والقشرة مانزيدهمش ملي يكون الحليب سخون حيت عيقطع

ونحركو مزيان ونزيدولو شوية د الملون اصفر او الزعفران انا عملت شوية د الخرقوم

ونخلطوه ونعملوه فشي جبانية وندخلوه المجمد 3ساعات

ونخرجوه ونطحنوه بالطحانة الكهربائية ونرجعوه المجمد 2 ساعات من بعد نخرجوه

ونطحنوه المرة الثانية ونرجعوه المجمد ساعة واحدة

ونطحنوه للمرة الثالثة

ضروري من هاد العملية باش ما يبقاشي فيه الثلج من داخل كيبقى كريمي فحال د الزنقة من بعد نرجعوه للمجمد حتى يتجمد و نقدموه

وهذا هو الشكل النهائي للكلاص