تفكرتها وانا نقول والله حتى نوض نصوبها كانت أختي الله يحفظها ويخليها ليا يارب ديما كتصاوبها لينا❤❤
مقادير حلوة الطبقات ديال زمان :
اربع بيضات
كأس عنبة سكر
كأس عنبة زيت
فاني
قبصة الملح
قشور الحامض أو اليمون
ملعقتين كبييرة كاكاو
16 غ خميرة كيماوية
الدقيق حسب الخليط
للتزيين:
اربعة ملاعق كبيرة مربى المشمش
ملعقتين كبييرة ماء الزهر
جوز الهند للتزيين
طريقة تحضير حلوة الطبقات ديال زمان :
في إناء نخدم البيض والسكر قبصة ملح فانية جيدا تم نضيف الزيت تم الدقيق تكون العجين مرخوفة
نقسمها على قسمين قسم نضيف ليه الكاكاو والقسم الاخر نضيف ليه ملعقتين دقيق باش يكون عندهم نفس القوام تم نقسم كل قسم على جوج غادي يصبح عندنا جوج كورات بالكاكاو وجوج كورات عاديين
ناخد الطاوة ندهنها بالزيت وناخد الكورة البيضاء نطلقها بالمدلك شوية ونوضعها فالطاوة تم نطلق الكورة لي بالكاكاو ونضعها فوقها حتى نكمل الكريات الاربع ونطلقها باليدين مزيان حتى تولي رقيقة ونتقبها بالفورشيط مزيان
وندخلها لفران ساخن على حرارة 160 أنا شعلت عليها فوق والتحت حتى طابت وخرجتها
وهي سخونة زيت ليها الوجه ديالها بخليط المشمش وماء الزهر(خديت كسرول وضعت فيها المربى وماء الزهر ودفيتهم ) ورشيت الوجه ديالها بجوز الهند وخليتها حتى بردات وقطعتها ❤❤
