طريقة تحضير مقروط التمر تايجي فن ، بالمراحل الموضحة خطوة بخطوة وبالصور لجميع المراحل
مقادير المقروط بالتمر
350 سميدة رقيقة قياس 3 كيسان العنبة
130 دقيق قياس كأس و نصف
130 زبدة دايبة و باردة قياس كأس
نصف كأس زيت
نصف كأس صغير ماء زهر
كأس العنبة ماء عادي
ملح
الطريقة
خلطت كل المقادير مع اضافة الماء حتى حصلت على عجينة مرخوفة بلا ما تدلك
خليتها ترتاح ساعة حتى تتشرب شوية طلقت نصف العجينة مستطيل
خذيت 300 غرام عجين تمر ضفت له معلقة زبدة و نصف معلقة صغيرة قرفة
طلقت عجين التمر بين 2 بلاستيكات تكون طبقة رقيقة
ثم وضعتو على العجينة و لويتو على شكل رولو من الأحسن نعملو ورق الزبدة أو بلاستيك
تحت من العجينة باش ماتلصقش تتكون مرخوفة بالنسبة لهاد الطريقة غادي نحتاجو كمية التمر أكثر
الى عملنا العجينة كلها بنفس الشكل نزيدو 100غرام حتى 150غرام
المستطيل عملت منو 2 رولوات ثم قطعتهم مائلين و نقشتهم بالمنقاش
و باقي العجينة عملت منها حربل كبير عملت فيه حفرة و ضعت وسطها حربل عجينة التمر
جمعت عليه العجينة و حربلتو مرة أخرى هذه طريقة سهلة و اقتصادية نحتاجو لكمية قليلة من عجينة التمر
طبعتو بقطاعة الحلوى و قطعتو مربعات أو نقشوه بحال الشكل الأول و ضعتهم في الطاوة و دخلتهم الفران
طيبتهم على 200 درجة حتى تحمرو بعد ما طابو خليتهم يبردو
تيجيو محمرين من التحت بحال هكذا بعد مابردو عسلتهم في العسل دافئ
يمكن لنا نحتافظو بهم في علبة بلا عسل حتى نحتاجهم ندفي العسل و نعسلهم
والشكر الجزيل لصاحبة الوصفة نجاة تادلة
